2018 оны 1-р сарын 3-р арав хоногийн хөдөө аж ахуйн тойм бичвэр

2018 оны 1-р сарын гуравдугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2018-02-01                                                                   Есөнбулаг сум

10 хоногийн тойм бичвэр:

Говь-Алтай аймгийн нутгаар 2018 оны 1-р сарын гуравдугаар арав хоногийн байдлаар агаарын дундаж температур Хүйс, Шарга, Халиун, Бигэрийн говь хоолойгоор өдөртөө -23.5--37.6 градус хүйтэн, шөнөдөө -32--47 градус хүйтэн, бусад нутгаар өдөртөө -19.2--33.5 градус хүйтэн, шөнөдөө -32--39 градус хүйтэн байлаа. Агаарын хамгийн их температур Алтайд -7, Эрдэнэ, Чандманьд -8, Бугатад -9 градус хүйтэн, агаарын хамгийн бага температур Шаргад -47, Жаргаланд -43, Гуулин тосгонд -42, Хөхморьт, Даривт -40, Дэлгэр, Тайширт -39 градус хүйтэн байсан байна.

 Хөрсний гадаргын дундаж температур Хүйс, Шарга, Бигэрийн говь хоолойгоор өдөртөө -22--38 градус хүйтэн, шөнөдөө -34--52 градус хүйтэн, бусад нутгаар өдөртөө -25--33 градус хүйтэн, шөнөдөө -35--46 градус хүйтэн байлаа. Хөрсний гадаргын хамгийн их температур Алтайд 6, Бугатад 2 градус дулаан байсан бол, хөрсний хамгийн бага температур Шаргад -52, Гуулин тосгонд -46, Жаргаланд -45, Тайшир, Халиунд -43, Дэлгэрт -42, Хөхморьтод -41 градус хүйтэн байсан байна. Нийт нутгаар өмнөх 10 хоногоос хөрсөндөө 5-10 градусаар хүйтэрсэн байна.

Энэ арав хоногт ихэнх нутгийг хамарч хур тунадас орсон ба Тооройд 2.4 мм, Эрдэнэд 1.5 мм, Алтайд 1.2 мм, Төгрөгт 0.7 мм, Баян-Уулд 0.5 мм, Дарив, Халиунд 0.4 мм, Цогт, Цээл, Шарга сумуудад 0.3 мм, Бугат, Жаргаланд 0.2 мм, Чандмань, Бигэр, Тонхил, Есөнбулагт 0.0 мм хур тунадас орсон байна. Харин Хөхморьт, Гуулин, Дэлгэр, Тайшир сумуудад хур тунадас ороогүй байна.  

Салхи шуурганы хувьд салхи багатай. Бугатад 20 м/с, Бигэр, Алтайд 16 м/с, Эрдэнэ, Тонхилд 15 м/с, Цогтод 13 м/с, бусад бүх нутгаар 4-12 м/с хүрч цасан болон шороон шуурга шуурсан байна. Ихэнх нутгаар 10 м/с-ээс дээш салхитай өдрийн тоо 1-7 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Энэ жил малын тарга хүч дунд зэрэг байна.          

Малын хорогдол: 1-р сард Баян-Уулд 6852, Жаргаланд 5200, Хөхморьтод 4933, Дэлгэрт 2481, Шаргад 2271, Төгрөгт 1545, Тайширт 1250, Даривт 1105, Халиунд 1243, Тонхилд 646, Чандманьд 465, Цогтод 389, Бигэрт 369, Цээлд 280, Гуулин тосгонд 41, Эрдэнэ сумд 30 толгой мал хорогдсон гэсэн мэдээ багийн засаг дарга нараас ирсэн байна.

Цасны мэдээ: Нийт нутгийн 60 хувьд цасан бүрхүүл тогтсон. Халиун, Жаргаланд 14 см, Шаргад 10 см, Баян-Уулд 9 см, Хөхморьтод 7 см, Дарив, Тайширт 5 см, Эрдэнэ, Гуулин тосгонд 4 см, Цогт, Чандманьд 3 см, Алтай, Тонхил, Дэлгэр, Тоорой тосгонд 2 см, Төгрөгт 1 см, Есөнбулаг, Бигэрт 0 см зузаан цастай байлаа.

Цасны нягт Алтай, Баян-Уулд 0.36 г/см3, Жаргаланд 0.33 г/см³, Дарив 0.32 г/см³, Халиун, Гуулин тосгонд 0.25 г/см³, Тайшир, Шаргад 0.21 г/см³, Чандманьд 0.17 г/см³, Хөхморьтод 0.12 г/см³ гэж тодорхойлсон байна.

Хянасан: Цаг уурын хэлтсийн дарга                                             /Т.Дэлгэрмаа/    

Тойм бичсэн: ХААЦУ хариуцсан ерөнхий технологич                 /М.Гүнбилэг/