2018 onii 3-r sariin 2-r arav honogiin toim

2018 оны 3-р сарын хоёрдугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2018-03-21                                                                   Есөнбулаг сум

10 хоногийн тойм бичвэр:

Говь-Алтай аймгийн нутгаар 2018 оны 3-р сарын хоёрдугаар арав хоногийн байдлаар агаарын дундаж температур Хүйс, Шарга, Халиун, Бигэрийн говь хоолойгоор өдөртөө 3.9-7.0 градус дулаан, шөнөдөө -4--12 градус хүйтэн, бусад нутгаар өдөртөө -2.9 градус хүйтнээс, 4.0 градус дулаан, шөнөдөө -3--14 градус хүйтэн байлаа. Агаарын хамгийн их температур Шарга, Бигэрт 19 градус, Тооройд 18 градус, Төгрөг, Даривд 16 градус, бусад сумдаар 9-15 градус дулаан байлаа. Агаарын хамгийн бага температур Эрдэнэ, Гуулин тосгонд -14, Есөнбулаг, Жаргалан, Цогтод -13 градус хүйтэн байсан байна. Хөрсний гадаргын дундаж температур Хүйс, Шарга, Бигэрийн говь хоолойгоор өдөртөө 6-9 градус дулаан, шөнөдөө -7--10 градус хүйтэн, бусад нутгаар өдөртөө 2-8 градус дулаан, шөнөдөө -6--14 градус хүйтэн байлаа. Хөрсний гадаргын хамгийн их температур Тооройд 38 градус, Алтайд 35 градус, Бигэрт 34 градус, Дарив, Баян-Уулд 32 градус дулаан байсан бол, хөрсний хамгийн бага температур Гуулин тосгонд -15, Жаргалан, Цогт, Чандмань, Эрдэнэ сумуудад -14 градус, Есөнбулаг Тонхил, Дэлгэр, Халиун, Цээл сумуудад -13 градус хүйтэн байсан байна. Нийт нутгаар өмнөх 10 хоногоос 0-5 градусаар дулаарсан байна.

Энэ арав хоногт зарим нутгийг хамарч хур тунадас орсон ба Эрдэнэд 3.0 мм, Есөнбулагт 1.1 мм, Цээлд 0.7 мм, Тонхил, Бугатад 0.5 мм, Баян-Уулд 0.4 мм, Цогтод 0.2 мм, Тайшир, Чандманьд 0.0 мм хур тунадас орсон байна. Харин бусад сумуудаар хур тунадас ороогүй байна. 

Салхи шуурганы хувьд нийт нутгаар салхи ихтэй. Бугатад 28 м/с, Есөнбулаг  22 м/с, Тонхил, Халиунд 20 м/с, Цээлд 19 м/с, Алтай, Даривт 17 м/с, Тоорой, Бигэр, Төгрөг, Шарга сумуудад 16 м/с хүрч цасан болон шороон шуурга шуурсан байна. Ихэнх нутгаар 10 м/с-ээс дээш салхитай өдрийн тоо 1-3 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.       

Цасны мэдээ: Эрдэнэд 3 см, Цогтод 1 см зузаан цастай байлаа. Бусад нутгаар шуурч цас хайлсан. Цасны нягт тодорхойлсон газар байхгүй.  

Хянасан: Цаг уурын хэлтсийн дарга                                             /Т.Дэлгэрмаа/    

Тойм бичсэн: ХААЦУ хариуцсан ерөнхий технологич                /М.Гүнбилэг/