2018 onii 1-r sariin 2-r arav honogiin toim bichver

2018 оны 1-р сарын хоёрдугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2018-01-21                                                                   Есөнбулаг сум

10 хоногийн тойм бичвэр: 

Говь-Алтай аймгийн нутгаар 2018 оны 1-р сарын хоёрдугаар арав хоногийн байдлаар агаарын дундаж температур Хүйс, Шарга, Халиун, Бигэрийн говь хоолойгоор өдөртөө -16.1--32.6 градус хүйтэн, шөнөдөө -24--45 градус хүйтэн, бусад нутгаар өдөртөө -13.4--27.0 градус хүйтэн, шөнөдөө -23--35 градус хүйтэн байлаа. Агаарын хамгийн их температур Алтайд -3, Есөнбулаг, Баян-Уул, Цээл, Шарга, Төгрөгт -4 градус хүйтэн, агаарын хамгийн бага температур Шаргад -45, Халиун, Жаргаланд -35, Дарив, Гуулин тосгон, Хөхморьтод -34, Тайширт -33 градус хүйтэн байсан байна.

 Хөрсний гадаргын дундаж температур Хүйс, Шарга, Бигэрийн говь хоолойгоор өдөртөө -17--34 градус хүйтэн, шөнөдөө -26--51 градус хүйтэн, бусад нутгаар өдөртөө -16--29 градус хүйтэн, шөнөдөө -29--36 градус хүйтэн байлаа. Хөрсний гадаргын хамгийн их температур Эрдэнэ, Алтайд 8, Есөнбулагт 6  градус дулаан байсан бол, хөрсний хамгийн бага температур Шаргад -51, Халиунд -37,Гуулин тосгон, Тайшир, Жаргаланд -36,Дэлгэр, Хөхморьтод -35 градус хүйтэн байсан байна. Нийт нутгаар өмнөх 10 хоногоос хөрсөндөө 5-10 градусаар хүйтэрсэн байна.

Энэ арав хоногт ихэнх нутгийг хамарч хур тунадас орсон ба Эрдэнэ, Есөнбулагт 1.3 мм, Алтайд 1.0 мм, Баян-Уул, Жаргаланд 0.7 мм, Гуулин тосгонд 0.5 мм, Халиунд 0.3 мм, Дэлгэр, Тайшир, Цогтод 0.2 мм, Цээл, Бугатад 0.0 мм хур тунадас орсон байна. Харин Чандмань, Дарив, Төгрөг, Шарга, Бигэр, Тонхил, Хөхморьт сумууд болон Тоорой тосгонд хур тунадас ороогүй байна.  

Салхи шуурганы хувьд салхи ихтэй. Бугатад 24 м/с, Есөнбулагт 17 м/с, Алтайд 18 м/с, Тонхил, Бигэр, Баян-Уулд 16 м/с, Алтайд 15 м/с, Чандманьд 14 м/с, бусад бүх нутгаар 5-12 м/с хүрч цасан болон шороон шуурга шуурсан байна. Ихэнх нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Энэ жил малын тарга хүч дунд зэрэг байна.          

Малын хорогдол: Энэ арав хоногт мал хорогдсон гэсэн мэдээ багийн засаг дарга нараас ирүүлээгүй байна.

Цасны мэдээ:

Нийт нутгийн 70 хувьд цасан бүрхүүл тогтсон. Халиун, Жаргаланд 14 см, Баян-Уул, Шаргад 9 см, Хөхморьтод 7 см, Эрдэнэ, Тайширт 5 см, Дарив, Гуулин тосгонд 4 см, Тонхилд 3 см, Цогт, Алтай, Дэлгэр сумуудад 2 см, Чандмань, Есөнбулагт 1 см, Төгрөгт, Цээл, Бигэрт 0 см зузаан цастай байлаа. Цасны нягт Жаргаланд 0.37 г/см³, Баян-Уул, Халиунд 0.31 г/см³, Дарив 0.28 г/см³, Гуулин тосгонд 0.27 г/см³, Алтайд 0.22 г/см³, Тайширт 0.21 г/см³, Шарга, Эрдэнэд 0.18 г/см³, Хөхморьтод 0.12 г/см³ гэж тодорхойлсон байна.

Хянасан: Цаг уурын хэлтсийн дарга                                             /Т.Дэлгэрмаа/    

Тойм бичсэн: ХААЦУ хариуцсан ерөнхий технологич                 /М.Гүнбилэг/