ГОВЬ-АЛТАЙ АЙМГИЙН 2024 ОНЫ 3 ДУГААР САРД ЦАГ АГААР ЯМАР БАЙСАН ТУХАЙ ТОЙМ

ГОВЬ-АЛТАЙ АЙМГИЙН НУТГААР 2024 ОНЫ 3 ДУГААР САРД ЦАГ АГААР ЯМАР

БАЙСАН ТУХАЙ ТОЙМ

Говь-Алтай аймгийн нутгаар 3 дугаар сард агаарын дундаж температур Алтайн өвөр говь, Бигэр, Шарга, Халиуны говь хоолой, Төгрөг сумын нутгаар 0-5 градус хүйтэн, бусад нутгаар 6-9 градус хүйтэн байдаг.

3 дугаар сарын агаарын дундаж температур Алтайн өвөр говь, Төгрөг, Шарга, Халиун, Бигэрийн говиор 0-2 градус дулаан, бусад нутгаар 3-8 градус хүйтэн байсан ба уур амьсгалын дунджаас аймгийн нийт сумдын нутгаар 0.5…5.5 градусаар дулаан байлаа.

Агаарын хамгийн бага температур сарын нэгдүгээр арав хоногт ажиглагдсан ба энэ үеэр Завхан голын дагуух нутгаар -28...-33 градус хүйтэн, бусад сумдын нутгаар -22..-27 градус хүрч хүйтэрсэн.

2024 оны 3 дугаар сарын салхины хамгийн их хурд Бугатад 25 м/с, Тонхил,   Есөнбулаг, Алтай, Тоорой тосгонд 21-22 м/с, бусад сумдын нутгаар 9-18 м/с хүрч түр зуур ширүүссэн. Тонхил, Бугат, Есөнбулаг, Алтай сумдын нутгаар 18-27 өдөр, бусад сумуудад 3-13 өдөр 10 м/с дээш салхитай байсан байна.

Хур тунадас: 3 дугаар сард Говь-Алтай аймгийн нутгийн Алтайн өвөр говь, Хүйс, Шарга, Бигэрийн говь, хоолойгоор, Гуулин тосгон, Тонхил, Дарив сумдын нутгаар 0.5-1.4 мм, бусад нутгаар 1.5-6.2 мм тунадас ордог.

2024 оны 3 дугаар сарын нийлбэр тунадасны хувьд хамгийн их  Есөнбулаг,Халиунд 1.3мм, бусад нутгаар 0.0-0.3 мм тунадас орсон харин Алтайн өвөр говь, Хүйс, Шарга Бигэрийн  говь хоолойгоор, Бугат, Гуулин, Тайшир, Эрдэнэ сумдаар огт тунадас ороогүй байна. Энэ сард нийт сумдын нутгаар уур амьсгалын дунджаас бага тунадас орсон.

Энэ сард Говь-Алтай аймгийн нутгаар хур тунадас багатай, дунджаас дулаан сар болж өнгөрлөө.

Говь-Алтай УЦУОШТөв