Сарын тойм

Говь-Алтай аймгийн 2019 оны 5 дугаар сарын цаг агаарын тойм

Агаарын дундаж температур: Шарга, Алтайн өвөр говь, Бигэр, Халиуны говь хоолойгоор 12-16 градус, бусад сумуудын нутгаар 6-11 градус дулаан байсан байна.

Энэ сард Гуулин тосгон, Дэлгэр, Тайшир, Төгрөг, Халиун, Эрдэнэ сумдын нутгаар уур амьсгалын дунджийн орчим, бусад нийт нутгаар уур амьсгалын дунджаас  0.5-2.4 градусаар хүйтэн байсан.

Агаарын хамгийн бага температур: Сарын хамгийн хүйтэн агаарт  нийт нутгаар  хоёрдугаар арав хоногт говь хоолойгоор 2-4 градус хүйтэн, бусад /ихэнх/ нутгаар 7-12 градус хүрч хүйтэрсэн байна.

Хөрсний дундаж температур: Шарга, Халиун, Бигэрийн говь, Алтайн өвөр говь, хоолойгоор 18-23 градус, бусад сумуудын нутгаар 10-15 градус дулаан байсан байна.

Хөрсний хамгийн бага температур: Сарын хамгийн хүйтэн хөрсөнд хоёрдугаар арав хоногт  ажиглагдаж ихэнх нутгаар 6-11 градус, уулархаг нутгаар 18-23 градус  хүрч хүйтэрсэн байна.

Хур тунадас: 2019 оны 5-р сард ихэнх нутгийг хамарч хур тунадас орсон ба нийлбэр хур тунадасны хувьд Тонхилд 23.2 мм, Есөнбулагт 14.8 мм, Чандманад 14.5 мм, Хөхморьт 12.5 мм, Даривт 10.4 мм, Бугатад 9.6 мм, Төгрөгт 9.5 мм, Цогтод 7.4 мм, бусад сумуудад 0.0-5.4 мм хур тунадас орсон байна.

Тонхил, Эрдэнэ, Чандмана, Бугат, Дарив, Алтай сумдын нутгаар уур амьсгалын дунджаас ахиу, Есөнбулаг, Тоорой тосгонд уур амьсгалын дунджийн орчим, бусад нутгаар уур амьсгалын дунджаас бага хур тунадас орсон.

Салхи: Нийт нутгаар сарын турш салхи шуурга ихтэй байлаа. 10 м/с-ээс дээш салхи Шаргад 30, Тонхил, Бугат, Алтай, Есөнбулагт 26-28, Хөхморьт, Цээл, Тооройд 10-24, бусад сумдад 9-17 өдөр ажиглагдсан бөгөөд ихэнх нутгаар салхины хүч түр зуур 16-34 м/с хүрч ширүүссэн ба хамгийн их хурд Бугат, Шаргад 34 м/с, Тонхилд 30 м/с, Цээл, Есөнбулагт 27 м/с, Алтайд 24 м/с, Тооройд 22 м/с, бусад нутгаар   16-20 м/с хүрч шуурсан.

Тойм бичсэн: Цаг уурын салбар хариуцсан технологич Б.Энхтайван

                        Утас:98519559