Урьдчилсан мэдээ > Улирлын төлөв

Улирлын төлөв

Шинэчлэгдсэн: 2020-10-31 03:13:41

ЦАГ УУР, ОРЧНЫ ШИНЖИЛГЭЭНИЙ ТӨВ

УРЬДЧИЛАН МЭДЭЭЛЭХ ХЭЛТЭС

Нэг. ТАНЫ АНХААРАЛД

Ус цаг уур, орчны судалгаа, мэдээллийн хүрээлэн (УЦУОСМХ)-ийн Орчил урсгал, урт хугацааны прогнозын судалгааны хэлтэс (ОУУХПСХ)-ээс 2020 оны 9, 10, 11 дүгээр саруудын урьдчилсан төлөвийг тооцоолон танд хүргэж байна.

Урьдчилсан төлөвийг http://www.tsag-agaar.mn/ цахим хуудсанд сар бүрийн 25 гэхэд сарын урьдчилсан мэдээ болон гурван сарын урьдчилсан төлөвийг шинэчлэн гаргадаг тул хэрэглэгч та бүхэн тухай бүрд нь шинэчилсэн мэдээг ашиглаж байна уу.

Дэлхийн Цаг уурын байгууллагаас тогтоосноор олон жилийн дундаж (ОЖД) утга гэдэгт 1981-2010 оны хоорондох тухайн цаг уурын хэмжигдэхүүний дундаж утгыг авч үздэг.

Намрын улирлын төлөвийн талаар лавлах шаардлагатай бол УЦУОСМХ-ийн 11-326606 утсаар холбогдох болон тус хүрээлэнгийн ОУУХПСХ-ээс тодруулах боломжтой.

Хоёр. ТОЙМ 2.1

       9-11 дүгээр сарын уур амьсгал Уур амьсгалын дунджаар агаарын сарын дундаж температур есдүгээр сард Алтайн өвөр говь, говийн нутгийн өмнөд хэсгээр +14..+190С, Алтайн уулсаар 2 0С хүйтнээс 6 0С дулаан, бусад нутгаар +6..+140С байдаг бол 10 дугаар сард Алтайн өвөр говь, говийн нутгийн өмнөд хэсгээр +2..+100С, Алтайн уулархаг нутгаар -2..-100С, бусад нутгаар 2 0С хүйтнээс 30С дулаан байдаг. Харин 11 сард тогтвортой хүйтэн болж Алтайн өвөр говь болон говийн бүс нутгаар -1..-8 0С, Алтайн уулархаг нутгаар -12..-200С, бусад нутгаар -6..-120С болж хүйтэрдэг байна.

       Хур тунадасны хувьд 9 дүгээр сараас борооны хэмжээ багасаж, орох тохиолдол нь цөөрдөг ба төв ба зүүн зүгийн нутгийн хойд хэсгээр 32-44 мм, баруун ба говийн нутгаар 4-15 мм, бусад нутгаар 17-30 мм бороо ордог ба зарим сэрүүн жилд сарын сүүлчээр уулархаг нутгаар нойтон цас ордог. Харин 10 дугаар сард баруун зүгийн нутгийн хойд хэсгээр 10 – 18 мм, бусад нутгаар 0 – 6 мм хур тунадас ордог байна.

       Намрын эхний цочир хүйтрэлт наймдугаар сард уулархаг нутаг болон газар тариалангийн бүс нутгаар голчлон ажиглагддаг. Есдүгээр сард цочир хүйтрэлт ажиглагдах тохиолдол нэмэгддэг онцлогтой.

       Намрын улиралд (9 – 11 сард) салхины хурд ихэсдэг бөгөөд Алтайн салбар уулс, Арц богдын өвөр хоолой болон говийн бүс нутгаар 15 м/с – ээс дээш хурдтай салхитай өдрийн тоо ОЖД – аар 3 – 7 өдөр байдаг бол бусад нутгаар 0 – 2 өдөр ажиглагддаг байна.

Гурав. 11 ДҮГЭЭР САРЫН УРЬДЧИЛСАН ТӨЛӨВ

Говь-Алтайн өмнөд хэсгээр 2-8 градус, бусад нутгаар 9-14 градус хүйтэн байдаг. Энэ сард агаарын дундаж температур нийт нутгаар ОЖД-ийн орчим байна.Нийт нутгаар 0-3мм хүртэл хур тунадас ордог байна. Алтайн уулархаг нутгаар ОЖД-аас ахиу, бусад нутгаар дунджийн орчим хур тунадас орох төлөвтэй.

12 ДУГААР САРЫН УРЬДЧИЛСАН ТӨЛӨВ

Энэ сард Говь-Алтайн өмнөд хэсгээр 8-14 градус, бусад нутгаар 16-21 градус хүйтэн байдаг. Энэ сард агаарын дундаж температур нийт нутгаар дунджийн орчим байх төлөвтэй .12 сард нийт нутгаар 0-3 мм хүртэл цас ордог. Алтайн өвөр говиор олон жилийн дунджаас бага, бусад нутгаар ОЖД-ийн орчим  хур тунадас орох төлөвтэй

2021 ОНЫ 01 ДҮГЭЭР САРЫН УРЬДЧИЛСАН ТӨЛӨВ

Энэ сард Говь-Алтайн өмнөд хэсгээр 12-18 градус, бусад нутгаар 19-24 градус хүйтэн байдаг. Агаарын дундаж температур нийт нутгаар дунджын орчим  байх төлөвтэй .1 сард нийт нутгаар 0-2 мм хүртэл цас ордог байна. Говь-Алтайн өмнөд хэсгээр ОЖД-аас бага, бусад нутгаар дунджийн орчим цас орох төлөвтэй.