2018 onii 1-r sariin 11-nii baidlaar zudiin ersdeliin medee -Govi-Altai aimgaar

Зудын эрсдэлийн зургийг боловсруулахдаа өнгөрсөн зуны ган зуншлага, бэлчээрийн даац, бэлчээрийн ургац, малын тоо, агаарын температур, хур тунадасны хазайц, энэ жилийн цасны бүрхэц, зузаан, нягт болон дараа сарын агаарын температур, хур тунадасны урьдчилсан мэдээ зэрэг 10 гаруй мэдээллийг ашиглаж байна.

2017 оны зун ихэнх нутгаар гандуу буюу 7 дугаар сарын 31-ний байдлаар нийт нутгийн 70 орчим хувьд гандуу, 10 гаруй хувьд гантай байснаас бэлчээрийн ургацын хэмжээ бага байх, мал тарга хүч дутуу авах, өвөл-хаврын бэлчээрийн даац ихээхэн хэмжээгээр хэтрэх, бэлчээрийн нөөц хүрэлцээ муу улмаар мал өвөлжилт хаваржилт хүндрэх нөхцөл бүрдэхэд хүргээд байна.

1 дүгээр сарын 10-ны байдлаар Говь-Алтайн ихэнх 0-10 см зузаан, 0,03-0,34 г/см3 нягттай, Говь-Алтайн зарим сумдын нутгаар 10,1-20 см зузаан, 0,09-0,35 г/см3 нягт цасан бүрхүүлтэй байна.

Засгийн Газрын 286 дугаар тогтоолын дагуу зудын байдалд үнэлгээ хийхэд Говь-Алтайн Жаргалан, Халиун Дэлгэр сумдын нутгаар нягтарч хатуурсан зузаан цастайн улмаас цагаан зудтай байна.

Говь-Алтайн Эрдэнэ, Хөхморьт, Шарга, Дарви сумдын нутгаар нягтарч хатуурсан зузаан цастайгаас зудархуу байна. 2018 оны 1 дүгээрсарын 11-ний байдлаар боловсруулж гаргасан зудын эрсдэлийн зургаас үзвэл нийт нутгийн  60 орчим хувьд их (38% нэних, 22% их),  40 гаруй хувьд (40%) нь дунд зэрэг эрсдэлтэй гарлаа.